Kamis, 03 Maret 2011

RAJA DIADAT-UHUM, PANGALAHO NA RAJA !

PARHATIAN SIBOLA TIMBANG, PARNINGGALA SIBOLA TALI, TU GINJANG SORA MONGGAL, TU TORU SORA MELENG.
Pangahitan di sangap, pangahutan di badia, sihorus na gurgur siambai na longa,
Paradat sijujung ni ninggor, paruhum sitingkos ni ari, sipalua na tarbeang, si tanggali na tartali, sirungrungi na dapot bubu, sitanggali na dapot doton, di rimbas do na geduk
Marsolup si opat bale, parmesa si sampulu dua, pargantang tarajuan, parhatian so ra monggal, pangiringiring na so jadi lupa, partomu-tomu na so jadi ambaton, parindahan ragi na so jadi mago, parsangsing ni onan naso jadi muba.
Partamue, paramak sobalunon, parsangkalan so ra mahiang, parbahul-bahul nabolon, partataring so ra mintop.

Tidak ada komentar: