Minggu, 17 Juni 2012

CIPTAKAN SYAIR LAGU BATAK

1.     HOLONG NA SO MARPANGANSI
Hupangkilalahon do sude hasian, hata nang pambahenanmi
Tarida do sian hata nang parangemi tu ahu\
Lambok ni hatami manganju au, mamornohi ate-ateki
Songon ombun manorop ampe tu unok ni pusu-pusuki

Dison do au hasian,  paima harorom laos hundul dilambungki
Huhasiholi do tongtong holong ni roham nang burju mi tu au
Patuduhon holongki, sasada ho dang mardua roha
Asa tangkas diboto ho ias ni rohangki manjalo holongmi tu au

Rff.:
Holong na so marpangansi so adong tudosan ni
Naso marnida rupa manang impolan di arta
So holan bulus - tulus na haruar sian roha
Sai tongtong jonok nang pe dao sian mata

Idama hasian naung huuhirhon do disi goarmi
Nang di nipikku pe targombar bohi mi
Tangihon hasian panggorani taroktok mi
Ganup tingkiku sai huingot ho di pikkiranki
Ditangiangku pe hujouhon do goarmi

Papos ma roham ale hasian, unang ganggu be roham di holongki
Dang adong be na boi mangambati las ni rohangki tu ho
Tung so hasuhatan do hasian, balga ni holongki
Holan sasada ho, na boi manubut rohangki, laos mangubati arsakhu

Anggiat sahat tu saur matua hita masihaholongan
So jadi marsirang, so sinirang ni hamatean  

2.     KUINGIN KITA SALING MEMILIKI

Setiap kali aku di dekatmu, segala gundahku pergi berlalu
Setiap saat kau disampingku, hati gelisah tak terasa punah
Kau tahu yang kuinginkan, semuanya telah kuserahkan pada mu
Jangan pernah kau abaikan, atau mungkin kau lupakan

Kuresah jauh darimu, ku gelisah tak dengar suaramu
Pada siapa kucurahkan segala segala asa dan isi hatiku
Takkan mampu aku melangkah tanpa dirimu disisiku
Karena mimpi dan harapanku selalu bersamamu

Rff
Aku ingin kau selalu ada didekatku
Kuingin kau selalu disampingku
Walau badai datang menghadang
Cita dan rasa takkan terhalang
Kuingin kita selalu bersama, selamanya.
Bila kusedih, kau ada disampingku
Bila ku gundah, kau selalu ada didekatku
Bila ku ceria, kau selalu temani aku
Cinta kita tak mudah terkikis
Dalam suka dan duka kita berdua bersama
Kuingin kita saling memiliki
   
3.     JALO TANGIANGKU

Husombahon ma tu Ho Tuhan, saluhutna ngolungkon
Hupelehon ma tu Ho, daging dohot tondingkon
Nang sude na artaki sian hamoraon Mi
Saluhutna na adong di au, ido pasu-pasuMi
Ndang adong tarpatupa au, so ala denggan ni basaM
Ndang adong tarbaen au, so ala asi ni rohaM

Mauliate ma Tuhan disaluhut na basaMi
Parsaripeon na denggan nang ianakhon na bonar
Pasu-pasu Mi Tuhan, tongtong sahat tu angka pinompar.
Arta nang talenta, bisuk nang parbinotoan pe
Naeng sude ma i dipangke, patupahon na ture
Marparange na denggan, nang di pambaenan pe
Ima husombahon hami mardongan las roha be

Tangihon ma ale Tuhan, tangiang pangidoan nami
Ai Pasu-pasu na godang, ima roha na sonang
Suanhon holong ni roha na so marpangansi i di hami 
Padao ma  parsahiton, paholang nasa mara
Unang ma tubu bada, sisi nang holso ni roha
Marsippu ma hamoraon, patupa sibahenon
Ungkap ma roha na bulus marsilehon-lehon

Pargogoi ma au Tuhan, mangulahon na denggan
Pasu-pasu ma luhut niulani tangan nang pikiran
Baen ma hami Tuhan habaoran ni pasu-pasuM
Tarapul roha na marsak, na marsahit gabe malum
Tung so adong do na so tarpatupa Ho Tuhan
Mauliate ma di Ho, arion marsogot haduan.

 4. TONA

Sian i do haroroan ni bangso Batak na tarbarita di sandok portibion
Marmula sian Dolok Pusuk Buhit, mangarerak tu desa na ualu
Tarpasu-pasu di hamoraon, hagabeon nang hasangapon
Marnampuna di ugasan, dituturi dohot ugari nang paradaton
Jinaloni Ompunta Sijolo-jolo tubu sian Mulajadi Nabolon

Ima bona pasogit luat Samosir Nauli na so tarhalupahon
Sian Sianjurmula-mula, mula ni halak Batak marhata jala marmarga
Hatubuan ni Guru Tatea Bulan dohot anggina Si Raja Isumbaon
Ompu sitorop pinompar na ingot di poda, raja nang di hata.
Hasiholan di ganup tingki, sitonahonon tu angka jolma

Rff.
Antong hamu dongan, na matua nang naposo
Suanhon di roham sotung lupa ho di na parjolo
Natua tua do sileon poda, naposo sijaloon gogo
Ulahon ma na denggan, sotung olo ho mandobo
Molo dingolumon nunga margogo jala marhuaso
Unang lupa ho diangka jolma na lea naso margogo
Asa dapotan tua ho di portibion nang di surgo

5.     INGOT MARTANGIANG

Molo tarimangi ngolu di portibion soada be na boi na pasonang roha  
Songon galumbang di laut na bidang manang alogo na di langitan
Margalussak so binoto ala, mangullus so marhata hata
Marsoring soring do hilalaon parungkilon nang las ni roha
Ndang binoto tingki manang sadiharina mambaen iba so marhasoan

Taida ma di tingki on roha ni jolma lam muba-uba
Parsaoran dohot dongan, anakkon so ingot di tona dohot poda
Pangalaho lumlam,  pambahenan nang hata  jotjot patubu bada
Tarsongon tuak na dua daina, dang tarida sada ni roha
Llam dao muse ma bulus, tulus nang holong ni roha

Godang ma masa di tingkion,  si ida rupa, Impolan di arta
Ndang mardia imbar  asal ma saut na di rohana
Marhite gogo, huaso nang hamoraonna mambaen hasesega
So dihilala be parsorion dohot ngolu ni donganna
Baliksa tahe mangimbukbuk sorimago dohot na roa

Rff:

Alai papos ma roham sotung unang ho mandele
Ingot ma martangiang mangidohon tu Tuhan i
Ai tangiang na bulus do mangarahut ngolumi
Asa Ibana mangaramoti jala mangapuli  rohami
Mamborhos ngolumi nang dohot sude artami
Mamasu masu ho di ganup ari ganup tingki
Mardame sonang ngolumi, saripe nang tu dongan i
Ulahon ma na denggan, pangke luhut tingki mi
Seahon ma dirim bahen pujian tu Tuhan i
  
Portibion nunga lam matua, hasusaan pe lam tarida
Ganup tongkin parmaraan, parsahiton na lam manggasa
Tarsongon pambebeni na naeng sorang do ni hilala
So binoto sadiharina, ajal ni jolma lam jonok tingkina
Salpu do hape luhut portibion dohot sude pangisina



6.     BOLONGKON SIAN ROHAMI   ...............

Nauli do tahe ngolu ni bangso Batak i
Angka na tinggal di huta nang di parserahan i
Denggan di pandaraman nang diparadaton i
Tarpasu-pasu do sude di angka pinomparna i

Hamoraon hagabeon ido sitta-sitta nai
Hasangapon pe tahe tongtong dihasiholi
Marruhut dalihan natolu di siaparii
Asa sonang mangolu molo sai diihuthon i

Rff.
Sianjurmula-mula sianjur mula tompa
Mulani ni na marhata songoni bona ni marga
Nauli ma di rupa, denggan muse di pangahalona
Sonang ma di roha songoni di parsaoranna
Unang tois di tona, manang jais di poda ni natua-tua
Asa marture ngolu mi, dao ma mara dohot bada
Pasiding sian rohami saluhut pangalaho na roa
Hosom, teal, late, elat, tung so adong do i marguna
Bolongkon sian rohami, asa mangolu ho jala martua.  

Ambarita, Pangururan sahat ro di Nainggolan
Tongtong ma hita nunut, padot di angka ulaon
Marbisuk ma di roha, huhut lului  parbinotoan
Alai sotung lupa ho di angka dongan na hurangan

Palipi, Ronggur ni huta. Onanrunggu sahat tu Sukkean
Samosir ma i luhut tabaritahon tu angka dongan
Unang lupa hon damang dainang haha anggi nang pariban
Sarihon huta mi marhite hite pasu-pasu ni Tuhan.


7. HO DO RONGKAPNI DAGING DOHOT TONDI


hHolongni rohangki na so hasuhatan be ito
Bagas ni holongki na so tardodo be tu ho
Ai hodo hasian na manggohiate-atengki
Marbunga holongki alani parange mu
Ho nama ito gabe hasudunganki
Tung so loasonku ho lao manadingkhon au

Di arian dohot borngin sai marsigorgor do di au
Tarhatotong au mangingot sasude pambaenan mi
Ndang tarbaen au hape mangalupahon ho
Nang pe tung dao ho sian simalolongki
Tu alogo na mangullus ma ito pabonku
Tona ni lungun dohot sihol ni rohangku
Didia pe ho hasian ingkon tong do luluanku
Tung lao pe ho satongkin ingkon mulak do ho tu au
Sahat rodi na mate au sai tongtong do haholonganku

Rff. 
Ho nama hasian rongkap ni daging nang tondiku
Dipadomu Tuhan i ma hita saleleng mangolu
Sai masianjuan ma hita di angka hata na salpu
Asa sahata sauduran hita mandalani ngolu on
Sahat tu na saur ma tua ido tangianghi tongtong 



Tidak ada komentar: